კრივის ჩემპიონატი

საქართველოს ჩემპიონატი უფროსი ასაკისა და ახალგაზრდა ასაკის მოკრივეთა შორის

     23-27 თებერვალს, ბათუმის ახალ სასპორტო სკოლაში გაიმართა საქართველოს ჩემპიონატი უფროსი ასაკისა და ახალგაზრდა ასაკის მოკრივეთა შორის. აჭარის ნაკრების შემადგენლობაში 25 მოკრივეა, 20 ვაჟი და 5 გოგონა. ჩემპიონატზე ნაჩვენები შედეგების მიხედვით დაკომპლექტდა საქართველოს ნაკრები, რომელიც მარტში ხორვატიაში ევროპის ჩემპიონატზე იასპარეზებს. მათ შორისაა სსიპ ხელვაჩაურის მუნიციპალიტეტის სოფელ სალიბაურის №2 საჯარო სკოლის მე-11 კლასის მოსწავლე ლუკა ბეშლიოღლი, რომელმაც საქართველოს 2022 წლის ჩემპიონატზე ახალგაზრდა ასაკის მოკრივეთა შორის პირველი ადგილი დაიკავა და საქართველოს კრივის ეროვნული ფედერაციის სახელით დაჯილდოვდა დიპლომით, მედლითა და თასით.
სკოლის დირექცია და პედაგოგიური კოლექტივი წარმატებებს უსურვებს ლუკას. წინ ბევრი წარმატება და დაუღალავი შრომაა.