ლიტერატურული კონკურსი „ზღვაური -2022“

2022 წლის 11 დეკემბერს დასრულდა ფრიდონ ხალვაშისა და ზურაბ გორგილაძის სახელობის ლიტერატურული კონკურსი „ზღვაური -2022."
ახალგაზრდა პოეტებისა და მწერლების დაჯილდოვების ცერემონია ბათუმის მოსწავლე ახალგაზრდობის სასახლეში გაიმართა.
„ზღვაური 2022-ში'' მონაწილეობა საქართველოს ყველა რეგიონიდან მიიღეს. კონკურსი სამი თვის წინ გამოცხადდა. ფინალისტებს შორის წელს ყველაზე მეტი, 120 კონკურსანტი მოხვდა. გამარჯვებულები სპეციალურმა ჟიურიმ ისე გამოავლინა, რომ მათ არ იცოდნენ ვინ იყო ნაწარმოების ავტორი.
პირველი ადგილის, ოქროს დიპლომის მფლობელი გახდა შარაშიძე რეზო- ხელვაჩაურის მუნიციპალიტეტის სოფელ სალიბაურის N2 საჯარო სკოლის მე-12 კლასის მოსწავლე. ფინალისტის დიპლომით დაჯილდოვდა აგრეთვე მარიამ ძნელაძეც. ისინი ინტელექტკლუბი ,,ლამპარის'' წარმატებული, მიზანდასახული და გამორჩეული წევრები არიან. (კლუბის მეურვე ვარდო ხოზრევანიძე)
სკოლის დირექცია და პედკოლექტივი ვულოცავთ რეზოს და მარიამს ამ დიდ გამარჯვებას და წარმატებებს ვუსურვებთ შემოქმედებით გზაზე.