ComCom-მა მედიაწიგნიერების ფორმალურ განათლებაში ინტეგრირებისთვის, სკოლის დირექტორთან საინფორმაციო შეხვედრა ჩაატარა

კომუნიკაციების კომისიამ, მედიაწიგნიერების ფორმალურ განათლებაში ინტეგრირების მხარდაჭერის მიზნით, განათლებისა და მეცნიერების სამინისტროს ჩართულობით და გაეროს ბავშვთა ფონდის ორგანიზებით, სკოლის დირექტორებთან საინფორმაციო შეხვედრები გამართა.
შეხვედრებზე ჩატარდა პრეზენტაცია მედიაწიგნიერების საგნის და იმ საგანმანათლებლო რესურსების შესახებ, რომლებიც "მედიაწიგნიერების ფორმალურ განათლებაში ინტეგრირების" პროექტის ფარგლებში შემუშავდა.
პროექტი "მედიაწიგნიერების ფორმალურ განათლებაში ინტეგრირება", X, XI და XII კლასის მოსწავლეებისთვის არჩევითი საგნის დამატებას გულისხმობს, რომლის ფარგლებშიც, მოზარდები მედიაწიგნიერების, მედიისა და ინფორმაციის ენის, ინფორმაციის დამუშავებისა და დეზინფორმაციის შესახებ ცნობიერებას აიმაღლებენ.