კონკურსი ,,პროექტი ჩემს გაკვეთილზე"

აჭარის ა/რ განათლების, კულტურისა და სპორტის სამინისტროს ორგანიზებული კონკურსის ,,პროექტი ჩემს გაკვეთილზე" ფარგლებში შერჩეული საპროექტო წინადადებების ,,ახალი ხედვა ფანტაზია" განხორციელებაში აქტიურად ჩაერთვნენ სსიპ ხელვაჩაურის მუნიციპალიტეტის სოფელ სალიბაურის №2 საჯარო სკოლა IX კლასის მოსწავლეები.
პროექტის ფარგლებში შედგენილი სამოქმედო გეგმის მიხედვით მოსწავლეებმა ფასადის მოსახატი სურათისთვის შეარჩიეს თემები: ,,ჩვენი დედამიწა" და ,,1 ივნისი ბავშვთა დაცვის საერთაშორისო დღე". შეასრულეს პრაქტიკული სამუშაო- გააკეთეს ჩანახატები. ჩანახატების გაკეთების შემდეგ მოსწავლეებმა შეარჩიეს თითო ჩანახატი, რომლის მიხედვითაც შექმნეს მონუმენტური ფერწერის ნიმუშები აკრილის საღებავებით და ფუნჯებით სკოლის შენობის გარეთა ფასადებზე. პროექტის ფარგლებში მიმდინარეობს აქტიური მუშაობა.