,,დედიკო, მიყვარხარ!''...

2025 წლის 6 მარტს, სსიპ ხელვაჩაურის მუნიციპალიტეტის სოფელ სალიბაურის #2 საჯარო სკოლის მე-6ა კლასის მოსწავლეებმა დამრიგებელთან ერთად მოაწყვეს ლიტერატურული კომპოზიცია თემაზე: ,,დედიკო, მიყვარხარ!''... მოსწავლეებმა დედისადმი პატივისცემა და სიყვარული გამოხატეს ლექსებით, ჩანახატებითა და პრეზენტაციებით. ღონისძიებაზე გამოიკვეთა ის აზრი, რომ დედა — სიცოცხლის წყაროა, გულწრფელი, უანგარო სიყვარულისა და სიხარულის გამზიარებელი. ეს არის სასწაული, რომლის შეცნობასაც ჩვენ დაბადებიდანვე ვიწყებთ. სიმბოლურია, რომ დედის დღე გაზაფხულის დასაწყისშია, ორივე სოცოცხლის საწყისია. დედის ალერსიან და თბილ ხელებს ყველაფერი შეუძლია, ხოლო მის ერთგულ გულში კი სიყვარული არასდროს არ ქრება.ის არის საუკეთესო მრჩეველი და მეგობარი, ადამიანი, რომელიც ყოველთვის მოუსმენს და დაეხმარება შვილს, ვისი გულისთვისაც მზად არის ყველაფერზე.